Potencia a túa carreira profesional no mercado laboral
Laboralia é un programa de formación en competencias profesionais desenvolto no 2011 polo Consello Social da Universidade da Coruña co fin de:
Realizar xornadas gratuítas que aportan coñecementos e información útil sobre as dinámicas do mercado laboral e a selección de persoal.
Que achega Laboralia?
- Ampliamos o desenvolvemento profesional das persoas e organizacións
- Aproximamos o talento ás necesidades da contorna económica e social
- Melloramos a empregabilidade
- Fomentamos o espírito emprendedor
A quen nos diriximos?
Ofrecemos formación en competencias e habilidades profesionais para:
- Estudantes e titulados/as que busquen aumentar as súas oportunidades no mercado de traballo.
- Profesionais que desexan coñecer as últimas tendencias no mundo laboral e mellorar as súas capacidades.
Proporcionamos asesoramento sobre as mellores estratexias para fortalecer o teu perfil e incrementar o teu potencial éxito na procura de novas opcións laborais.
Onde e cando se realiza Laboralia?
Organizamos xornadas ao longo do ano nas que impartimos pílulas formativas en formato:
Presencial
Networking da Coruña
En liña
Para velo onde queiras
Quen imparte a nosa formación?
Os relatores e docentes de Laboralia son expertos vinculados a empresas de recoñecido prestixio e que están especializados en recursos humanos, comunicación, novas tecnoloxías e xornalismo.